NIKE香港10公里挑戰賽2006

考慮了很久, 終於報了名參加將於11月19日舉行的"NIKE香港10公里挑戰賽2006". 其實對於我來說, 這是一項全新的挑戰, 縱使我一向也很愛好運動, 但只是局限於玩樂性質, 實際參加比賽可是少之有少, 而這類公開性質的比賽更是第一次.

一直以來, 我只對游泳, 籃球, 壁球, 網球及羽毛球有興趣, 從來沒有想過會鍾愛長跑這一項要求帶氧量高, 持久力高的運動. 但因為某些原因, 約於半年前開始跑起步來, 竟發覺跑步的過程帶給我一種很寧靜的感覺, 就像這短短的半至一小時是完全屬於自己的, 給予我一個思考的空間, 而跑步之後也給我一個很舒暢的感覺, 自此, 我便愛上了這一項運動...

坦白說, 以我的資質, 體能及經驗, 當然沒有想過這次比賽會有甚麼好成績, 只是, 既然參加了, 便希望可以於限時內完成整個賽事, 及累積今次的經驗, 去參與將來更多其他的賽事, 再向渣打馬拉松這終極目標進發~!!!

請各位好好珍惜...

今日放工很不幸地給我碰到一件交通意外既發生, 意外詳情已不欲多提, 只是此意外令我再一次想起人生無常, 一分鐘前你所重視既人仍然倚在你身旁, 但下一分鐘可能已經因為某些原因而將永遠不會在你身邊出現... 可能有人會覺得因為一件與自己無關既事而慨嘆實屬無聊, 但是, 的而且確, 因為經歷過一段黑暗既日子, 倒發覺其實世事有很多事情你是無論如何也操控不了, 所以才會更學懂去珍惜...

朋友們, 請好好珍惜你身邊既一切, 不論係你身邊既伴侶, 家人, 朋友還是寵物; 倘若因為某一些鎖事而跟對方吵架, 原諒他/她吧, 若果因為一些已經過去既事情而令自己唔開心, 又或者因為對自己曾經犯過既錯而耿耿於懷的話, 請忘記它吧... 沒有人會知道下一秒將會發生甚麼事, 與其鬱鬱不歡去過你既每一天, 倒不如請各位好好的, 開開心心的跟你重視的人去渡過你生命既每分每秒....

今日feifei五歲喇~!!!

不經不覺, feifei來到我家己經有五個年頭, 想起當初依隻女來到我家既時候, 對所有事物都很是好奇, 而且一秒都唔可以離開我身邊半步範圍, 只要稍有遠離佢多一點, 或者下令將佢困係籠入面, 佢就會吠個不停, 可要知佢係一隻拉布拉多犬, 即使當時年齡尚小, 但叫聲還是延嚇人的, 還記得當年為左唔俾佢再亂吠叫, 真係用左一個幾唔人道既方法....

五年喇, 佢都已經由初到我家時,由一個半階磚身位, 慢慢的長到依家擁有三個階磚身位的體型, 小時候既陋習(隨處便溺, 將我及我家人既鞋, 鞋帶, 手提電話等東西咬得體無完膚)都已經完全戒掉, 唯一未有改變既, 相信都係佢胃食到爆既性格同黐身得不得了既女性特質... 而且, feife已慢慢成為我一個長期既聆聽者, 沒有養寵物的可能不明白, 但係, 當你有唔開心, 或者有事係不吐不快既時候, 你既寵物就會成為最好既傾訴對象, 對住佢地, 真係可以不停講, 而且佢地會望住你, 好似真係好耐心咁聽你傾訴, 自然地你就會忘卻心中既煩悶, 比起養那些所謂電子蛇貓狗溫情得多.

自問對feifei稱不上是一個盡責的好爸爸, feifei自小體質較差, 皮膚問題由其嚴重, 但係多年來始終未能完全治佢皮膚上既問題; 而有些日子, 曾對佢愛理不理, 有一段時間沒有負起照顧佢既責任, 更曾因為佢的出現而跟家人鬧不和, 所以今日feifei長大了, 更覺得要比以往更盡力的照顧佢, 過去的已經唔可以回頭, 現刻唯有好好照顧feifei至百年歸老, 好好跟佢渡過每一個生辰...

feifei, 生日快樂~~!!!

Milla love Mango!?

今日於地鐵站發現Milla Jovovich 成為了MANGO fall 06 代言人, 現特別將catalogue裡面其中兩張放上黎俾大家睇睇, 幾靚架~!

forever grasshopper~!!!!!!! \(>3<)/ \(>3<)/ \(>3<)/

噚晚去左睇草蜢演唱會, 要我用一個字黎形容既話, 我會用一個"爆"字:- 會場迫"爆", 氣氛high"爆", 歌勁"爆", 舞姿型"爆", 衫靚"爆", 草蜢身型fit"爆"..... 仲之好爆!!!!! \(>3<)/!!!

其實今次算係草蜢05演唱會既延續, 上一年我冇睇到(但睇左草蜢x林狗演唱會,氣氛其實都好好,只係略為唔夠喉, 哈哈...), 所以今年點都一定要睇, 當然今次草蜢依然不負眾望, 我相信會場裡面既每一個人, 都係帶著疲乏既身軀, 沙啞既聲線離開, haa~

縱使係踏入會場至開show前個一刻, 我心入面曾經出現過一份失落感... 尚記得曾經承諾過會與她再一塊兒去睇草蜢演唱會part2, 或許由始至終係大家心目中一直都冇認真去看待依一份承諾... 所以到了今日, 我跟她真的去了依個所謂part2演唱會, 倒是, 陪伴在她身邊既已經唔再係我... 即使曾經踏在我身旁既人已經唔再係身邊, 但係隨著場館裡面逐漸爆"爆"既氣氛, 令我這份一時湧現既失落感慢慢消失, 換之, 係全程投入左去草蜢勁歌熱舞(爆老土既四隻字..... (*3*)"")既世界

總括黎講, 今次依個演唱會真係好好睇, 全無悶場, 而我要特別鳴謝既, 就係我手持既兩支pong pong棒, 於整晚三個多小時表演裡, 不斷充氣, 洩氣, 充氣, 洩氣, 到最後根疲力竭而亡, 可謂完全履行左作為一對氣氛製造者既任務, pong pong棒, 多謝你, 因為你地, 我先可以更投入的去呼喚我們的偶像: 草蜢

2nd Wave~!!!

噚日臨近放工, 收到一個朋友電話, 佢係我中學同學, 雖然交情比起winnie(RE: o依!? 仲有冇o野講呢???)略淺, 但係以前都真係幾熟架, 不過自從我咩咩咩咩之後, 都冇同佢聯絡lu, 聯絡次數當然比winnie更少(又再一次證明我真係好唔主動聯絡人, 但0的朋友仍然會contact我, 其實都已經係好慶幸0既一件事)...

其實當佢報上姓名0既時候後已經知道, 又一個朋友結婚喇!!! 就如有預知能力一樣.... 提起結婚, 個心當然一沉啦, 當身邊跟我差不多年紀0既朋友一個一個結婚, 而我卻浮浮沉沉到依家都係一無所有... 真係有0的諷刺0架, haaa... 但確實, 依0的0野真係冇得強求, 或者依0的係以前種落0黎0既孽啦, 依家要還, 所以個天要我孤獨一人... what a pity.....

但係另一方面, 見到0的朋友可以開開心心, 個個都有佢地0既另一半, 都替佢0地開心0既, 所以0係度都要恭喜佢一多一次, 希望佢同佢0既另一半新婚快樂~! \(^3^)/

既然咁耐冇見, 再加上我依家0既status, 當時少不免會約個朋友0黎食飯啦, 佢係計winnie之後另一位再見0既中學同學, 又睇下同時候同佢又有冇話題啦.... (滴汗中...) \(>3<)\"""