It's DONE!!! \(^3^)/

yeah~!!!! 漫長0既月結終於完成, 兩個多星期0既system setup同連日來0既打拼終於有"回報", 就係擁有比之前更大,更黑, 更浮腫0既黑眼圈, 爆勁多暗瘡, 轉數變慢, 對焦不能, 神情呆滯..... (*3*)*"*"*"

p.s. 感謝jan 0係依幾日0黎0既關心同慰問. thank you.

閒聊#1

有好幾日冇post新topic lu, 一來0係依幾日冇乜特別0既時情發生, 二來依幾日都真係幾疲, 搞到連上網都只係click click 0下就算...

如果真係要講0既, 我唸最特別0既一日都應該係星期六喇, 星期六朝早晒完太陽, 下晝約0左frd- carmen去打保齡, 計起上0黎, 我都有好多年冇打過lu, 今次carmen約我去陪佢練波(話時話, 佢都真係打得幾好, 學費冇白俾, 俾心機啦~!), 簡直係獻醜.... 打0左好幾局, 眼見其他lane 0既人打得出神入化, carmen都可以打出過100分0既分數時... 我都一直停留0係70分留下.... "sigh*".... 真係瘀到爆... 但的而且確, 又幾好玩0既. 啊~! 順帶一提, 個bowling場個雞排出前一丁幾好食, 下次有機會都會再食多次, haaa~ \(^3^)/

而當日另一件事值得記低0既事係, 本來當晚約0左我另一個frd- jan出0黎, 點知由我食完飯直到我訓覺, 我都收唔到佢電話, 咁我梗係慶慶地啦, 所以冇主動俾電話佢. 直到第二朝先黑晒面咁打俾佢食早餐, 點知.... 講返先知原來佢有call過我, 仲call左4 次咁多添.... 咁點解我個電話成晚都冇響過呢...??? 好詭異... 雖然已經係過0左去0既事, 而我都知佢冇嬲我黑面對佢, 但係對於自己竟然不知不覺咁將以前黑面0既壞習慣搬返出0黎, 都覺得自己未夠成熟, 所我都要係度同佢講聲sorry... /(-3-)\"""

p.s. 我家0既貓咪"聾仔"噚晚竟然一直訓係我枕邊,就連我訓著左佢都冇走過...對我0黎講,都算係一個奇景...

哇~黑返晒~!!! \(^3^)/

哇~ 好興奮!!! 因為我終於將我個頭變返黑色喇~ 之前因為意外令我個頭變到啡唔啡,黃唔黃咁, 好核突... 但礙於唔想太傷頭髮, 所以冇立即再染返黑佢... 令我成個月都覺得好唔聚財.

等o左成個月, 唔理眾人反對, 唔理正常規則, 噚晚終於自己一條友搞點佢, 你睇!!!! 係咪成個人都唔到晒呢, 連自信都返晒o黎, wahahahahaha~!!!

所以, 都係黑色好~ \(*3^)/

正呀~!

噚晚約o左個朋友食飯, 但因為跟同佢食飯o既時間相距還有一段時間, 所以就無無聊咁自己一條友落銅鑼灣逛. 就係咁, 俾我搵到依兩隻CD喇.

我唔係樂評人, 唔識得去評論音樂, 但以上兩隻CD我都覺得有一買o既價值. 第一隻CD, OLIVIA - A Girl Meets Bossa Nova 2 係一隻Jazz o既作品, 全碟其實係舊歌翻唱, 但製作人將所有曲目重新編曲, 再加上由一把清新的嗓子重新演繹, 令人聽起o黎覺得好舒服, 唔會覺得格格不入, 再加上碟內有我最愛o既L-O-V-E, 由Olivia演繹出o黎, 又有另一種感覺, 好正~!!!

另一隻CD係LOS INDIOS TABAJARAS - ALWAYS IN MY HEART, 你睇佢個封面同個碟名都估到佢同olivia o個隻好唔同啦. 佢其實係一隻由兩個由巴西o黎o既印度人製作o既純音樂CD, 全碟聽起o黎好有熱帶/南美風情, 最o岩一個人靜靜地o係沙灘/屋企睇住書, 好relax咁慢慢享受.

p.s. 第二隻碟並唔係新發現, 全碟曲目寄居係我部ipod度其實已經有年多, 今次買隻CD返o黎純綷滿足我自己o既收藏慾望.

今日究竟發生乜o野事....

今日究竟發生乜o野事.... 係咪真係我自己有問題, 點解公事上同私事上都碰釘, 老細飛左, 同事走左, 得返自己一個人, 好多問題浮現左出o黎, 再加上自己o既神經質, 好似連人事上都有問題.... 其他事, 唔識講.... 仲之好矛盾....我自己都唔知要點做好....

無聊相集#1

噚晚無聊地將幾張相湊拼埋一齊, 發覺效果竟然出奇地好(自己覺得.....), 所以就將製成品post上o黎俾大家睇睇~~

你做得到嗎?

晏晝同公司同事食飯, 聽到我老細講o左一個佢去印度旅行一個經歷. 佢幾年前去印度o既時候, 參觀o左一個當地人o既葬禮儀式, 原來按印度o既傳統習俗, 一個人死之後, 會安排火葬, 但同我地唔到, 唔係只係隔住個鐵門按一個掣就了事, 根據我老細話, 佢地o既火葬儀式, 由河邊洗屍, 裹屍, 燒屍, 收拾骨灰均要由死者最親o既人負責, 寸步不得離開, 而整個火葬過程均唔可以有任何哀傷, 激動o既情感表現, 因為佢話其實依個葬禮儀式係一個淨化過程, 希望死者可以透過最親o既人o既手協助佢升上淨土, 所以如果o係儀式中途死者感受到親人捨不得o既感情, 死者就因為留戀親人而唔可以順利歸天......

事先聲明, 我唔係唸住o係度討論依個葬禮儀式, 其實每個國家, 或者宗教都有佢o地唔同慶祝/悼念o既儀式, 每一個儀式都有佢o地o既獨有/代表/象徵意義, 我對每個儀式都相對尊重, 所以唔存在批評成份. 只係, 我聽完依個故事(!?)之後, 我就o係心入面問自己, 如果有一日我所愛o既人身故 (家人, 親戚, 朋友, 甚至我o既寵物也好), 我可唔可以好似印度人咁冷靜去處理一個葬禮呢? 我唔知自己係唔係屬於一個感情豐富o既人 (但我承認我係會因為某一o的事情感觸而喊o既人...), 但係要我完全唔帶有任何感情成份而去處理一個儀式.... 我唸我點都真係做唔到.... 再者, 相對我o地中國人, 唔係話葬禮一定要喊苦喊忽... 但如果其他人見到你好冷靜o既時候, 對方就會覺得係冷血.... 當然, 依個最後都係有關習俗問題.... 我都只係有感而發.... 但係唸深一層, 其實o係死者o既角度o黎睇, 究竟係希望見到你笑住送佢, 冷靜面對定好唔捨得咁送佢走呢...????

No worries, I can find my way out. v ^_^ v

Received a letter from one of my friends, she is really a special friend to me as I met her since I was 6. (yes, almost 24 yrs since then, it's been quite a long time, & I am gladed that we can still keep in touch til now... ) As we haven't seen each other for long time, it is inevitably to tell her what have had happened about myself...

I am really appreciated for what she wrote to encourage me... I am hereto thanks for her support and to share the most meaningful paragraphs (yes, they are very meaningful, at least to myself) to all of you:

Dearest B

I am sorry to hear that you haven't been happy. <....> But sometimes you have to learn to let go. Not to forget, no, but to recognise that you are lucky enough to have spent the time with that person and had some happy memories. Many people go through their whole life without finding nor falling in love. Treasure those memoriesand learn from the mistakes, and you will only become stronger and knowyourself better from the experience. There is no need to talk about "forgetting" someone. How can you forget something that has meant something to you, that helped making who you are now, and something that had made you happy? For example, I will never forget <....>, but on the other hand, I don't really want to be with him either, fully understanding we grew up to be so different, and have different needs now and probably highly incompatible. But those memories in the past, I willprobably cherish them to the day I die.

When a relationship doesn't work out, it is natural to feel sad, upset,disappointed, melancholic. I spent many days in a daze with tears when it happened too, angry about the things he said and did, upset that it wasn't what I expected, but at the same time wished I could turn back the clock and everything changed back to "normal". But the reality is, it will not. When something goes wrong, it is a clear indication that the relationshipis not what you expected it to be, and the person does not suit you, evenin the smallest way. This is something that you should be glad happened sooner than later. Imagine finding out all these after you are married and have 2 kids - it will only be thousand times worse. <....>

Love

Cynthia

Once again, MAN, it is really my pleasure that I can still talk to you, I hope that everything would be just fine to both of us, & wish you all the best~!!!... btw, you still look young.... how could it be... seems like I look much older than you.... OMG.....

新書推介: 上班不恐懼

今日下晝去o左三聯書店睇書, 本身上去都係唸住打o下書釘就算, 但係行o左一陣, 俾我發現o左一本書, 書名其實一o的都唔吸引, 但題材切身, 同時又因為個書名令我唸起兩個人, 所以打開o黎睇唔夠幾分鐘, 已經乖乖拎住兩本去cashier俾錢, 而依本書叫做[上班不恐懼]

我total買o左兩本, 兩本都係送俾朋友o既, 依兩個朋友, 都已經不下一次同我講過好唔想返工, 原因並唔係佢o地懶, 都唔係因為人工低, (相反, 佢o地係我認識o既朋友中最認真工作o既其中兩個, 而人工仲... ) 而係因為工作上與及人事上o既衝突而形成o既壓力, 令佢o地無形中產生o左對上班o既恐懼/厭惡.

其實壓力依樣o野, 真係因人而異, 每一個人對可以承受壓力o既情度差別可以好大, 最終可以成功減壓與否, 真係要靠自己, 但既然俾我咁o岩見到依本書, 又o係我唸唔到任何藉口唔買o既情況底下, 我就買o左依本書, 送俾我兩位朋友.

[上班不恐懼]依本書, 雖然時間關係, 我未有看畢全書, 但書中o既內容與及所運用o既文字淺易, 相信讀者睇o既時候不致覺得沉悶, 而且當中不乏有趣例子, 如書中開首便道: "... 近幾年無論在街上或車廂內都可見很多人喃喃自語, 有些甚至對著空氣指罵一番以發泄內心不滿, 之後又回復[正常]..."

依個例子確實係經常遇到... 咦... 唔係喎... 經常係咁o個個好似係我o黎喎... 我甚至更加嚴重, 自言自語之外, 仲會一人分飾幾角... 哎... 我都唔想返工...

哇~ 好好天呀!

連續幾日陰天,雨天, 今日天公竟然做美, 陽光普照, 由陽光孕育出o黎o既我, 當然唔會放棄依個大好機會去淺水灣泳灘晒太陽啦!

其實自己一個人好少好去淺水灣, 但自從有一次同個朋友去o左一次之後, 先發覺原來淺水灣個泳灘無論size, 環境以及公共設施均比往昔進步, 相比其他常去o既泳灘如赤柱, 石澳等還要優勝, 所以今次o係毫無考慮o既情況底下就去o左淺水灣泳灘享受我o既日光浴喇~!!

可能今日我去淺水灣o既時候係上晝時間啦, 好多人都未放工又或者未起身, 所以人流都唔算多, 但係都俾我好好彩遇到個靚女, 我對佢簡直係一見鍾情, 又活潑, 又可愛, 古銅膚色十分健康, 最緊要係身材仲好好, 有相為證o架~!

o依!? 仲有冇o野講呢???

連續兩個星期五同o左一個好耐冇見o既中學同學食飯, 其實近依幾年都好似冇正式同我o既中學同學搞聚會lu, 只係間唔中會有一兩個電話, 知道對方都ok, that's it. (但係通常都係人o地搵我佔大多數, 因為我從來唔鐘意講電話, 仲要我打電話俾人, 講笑, haha...)

其實唸返起上o黎, 唔好話食飯, 其實跟我o的中學同學見面, o係依幾年其實真係冇乜幾多次, 以前大家一齊玩樂嬉戲o既朋友, 依家仍然會keep in touch o既, 五隻手指都數得晒, 如果係女性就更加唔會單獨見面. (其他o的frd話我好變態...) 即使大家見到面, 都係冇乜太多話題, 純綷寒暄一, 兩句就算, 或者大家生活圈子, 所接觸o既人與事唔同o左o卦, 偶爾咁見面都唔會好似以前咁講到"雞啄唔斷", haa.. 再加上過去依一年, 我張自己收得更加埋, 失蹤指數幾近零..

所以, 今次聯絡返依個同學 (sorry... 今次都係佢主動搵我o既...), 其實都有o的擔心會冇話題, 仲要話食飯, 食飯起碼都會花上一, 兩句鐘... 冇o野講咁點算??? 依個係我同佢見面之前一直唸緊o既問題...

但係好奇怪, 明明冇見面都最少有五, 六年長o既時間 (其間電話倒有講過三, 四次o既), 但係見返佢又竟然唔需要專登搵話題, 或者係因為曾經o係電話到有講過o下大家o既近況o卦, 又或者因為同佢o係中學時代都真係幾要好, 所以見返面都唔會有乜o野太大隔閡.

不過經過今次同返依個同學見面, 令我想"尋找"返一o的我以前熟絡但又已經o係我個心入面漸漸被遺忘o既朋友, 當然要接觸返佢o地唔難, 但要想維繫返依段友情, 我唸, 我要加倍努力... 而最難o既係, 要我主動打電話....

p.s. 林小姐, 好高興與你共進o左兩頓豐富o既晚餐.

26歲??? -_-"

"我似得26歲咩???" 依個問題由我今朝食完早餐之後一直o係我心入面不停徘徊...

話說, 今日跟往常一樣, 去o左一家我常去o既茶餐廳食早餐, 依間茶餐廳入面有一個waitress, 平日同佢冇乜o野講(落order另計...), 但其實我知道佢係由另一間我以前常去o既餐廳轉過o黎o既, 計落都應該係兩, 三年前o既事喇, 當年我仲經常同我個exex一齊去食早餐(冇錯, 係exex, 即係我對上一位女朋友, 所以係有兩個ex... 灰... -_-") 但自從跟我exex分開o左之後, 我就冇再去幫襯o個間茶餐廳. 直至某一日, 我入o左去上述所講o間茶餐廳度食o野, 竟然俾我見返依位waitress.

之前講過, 我一向都同佢冇乜兩句, 但今日我差唔多食完早餐o既時候, 佢走埋o黎同我講話佢認得我, 話記得我以前經常去佢以前做o個間餐廳食早餐, 之後就blah, blah, blah... 咁樣講o左幾句... 跟住, 佢就突然問我: "你有冇26歲...???"

老實講, 一個男人, 當已經有半隻腳差o左入三字頭o既時候, 竟然仲有人問我依個問題... 究竟我應該俾o的咩反應佢呢? 究竟佢咁樣問係褒定貶呢??? 究竟係代表o左o的乜o野呢??? 我冇辦法可以唸得到, 我亦都唔記得我當時點答佢... 但亦都係依個問題, 引申出另一個問題, 其實我去到今時今日跟我當年26歲o既時候相比, 有咩唔同o左呢:

我唸... 除o左屋企多o左一隻狗... 條腰多o左幾磅肉, 個人食古不化o左, 甩咁o的頭髮以及冇o左個女朋友之外, 其他... sorry... 百冇...

賣new飛佛!!!!

最近我迷上o左一隻新飲品, 而最奇o既係依隻飲品係由我一向都唔係太nike o既太平記推出o既, 叫做Chocolate Mint Chilino, 中文名你唔好問我... 你可以試o下問其他人, 不過我估都唔會有人知, 又或者跟本就重來冇中文名o既...

老實講, 我一向只係鍾情星記出o既咖啡, 原因係我覺得太平記o既咖啡比較稀, 咖啡味又唔及星記o既濃, 雖然依款飲品其實未必可以稱得上係咖啡, 但係今次竟然俾太平記"提煉"到一隻朱古力味夠濃, 薄荷味又香, 又有口感o既飲品, 真係有o的跌眼鏡, 但卻又慶幸可以品嚐到依隻新o既飲品, 所以今個星期我背叛o左星記, 總共飲o左三杯... 就連今日放工, 我都忍唔住約個朋友去買一杯o黎飲...

各位朋友, 有興趣你都去太平記買杯o黎試o下o丫~!!!!!

p.s. 星記, 對唔住...

要忘記... 真係咁難...???

難道要忘記一個人真係咁困難...??? 每當我以為可以忘記過去, 重新投入我生活o既時候, 佢o既影像就會不知不覺咁o係我o既腦海出現...

噚晚, 佢就o係我熟睡o既時候出現, 佔據o左我多個小時o既睡眠時間... 我都唔知點解, 對噚晚所發生o既事好模糊, 但佢出現o既情景卻好實在... 好似真係可以感覺到佢o既存在, 佢o既呼吸, 佢o既體溫, 我一一都感覺到... 或者係我個心入面, 其實尚未徹底忘記佢, 對佢仍佔有一定程度o既幻想吧...

其實我好清楚, 佢o係我心目中真係佔o左一個好重要o既位置, 要忘記佢並唔係一朝一已經夕o既事, 但係發生o左o既事已經唔可以再返轉頭, 咁究竟...我要點樣先可以做得到呢...

老豆, 我賣老抽呀.... (我家feifei o既自白)

老豆,

你做乜o野突然之間要同我行上山.... 好似平時咁o係山腳行o下咪好囉, 做乜要行上去... 或者行去大球場咪算囉.... 做乜有平路唔行, 係要選擇行上去天后廟道......

平時又唔見你同我出街, 一係就俾10個難度o既路程我, 究竟係你想我減肥o丫, 定還是係你其實自己想減肥呢... 終於搞到我中途左腳抽筋, 成個訓o左o係地下, 洋相盡出..... 你同我行o左一個鐘, 但你又知唔知道我返到屋企之後我喘氣差唔多喘o左成兩個鐘呢, 我以為我自己會就咁死o左... 你真係冇陰公...

其實我冇乜o野要求o架, 我只係想你有時間陪我多o的, 俾多o的o野我食, 陪我訓覺, 同帶我出去行o下玩o下就得o架喇~

哎o也... 又抽喇... 你今晚返屋企一定要同我做massage...

feifei

第一篇文章, 獻俾一位我好重視o既朋友

其實早o係年多前已經有撰寫blog o既念頭, 但係一直都只係得個"想"字, 直至到今日, 我睇o左我一位我好重視, 好尊重o既朋友o既blog, 終於令我"的"起心肝去create一個屬於自己o既blog世界.

依個blog, 其實都只不過係純粹想寫下我自己o既所見所想, 作為一種另類抒發, 有冇人會睇/留意真係其次, 最重要係日後自己睇返, 可以俾自己作為一個回憶, 不管所經歷o既將會係甜,酸,苦,辣.....

bun-fun 點唱機之所以會誕生, 或多或少都係因為我一個朋友, 睇o左佢blog裡面所寫o既其中一篇文章, 令我覺得好唔舒服... 從文章o既字行裡, 我感覺到佢o既無助,憤怒, 感慨以及工作上所帶來o既壓力, 但依個只係我唔開心o既部份原因... 最令我唔開心同覺得辛苦o既原因, 係我唔能夠同佢分擔依份感覺, 唔可以為佢解開依個枷鎖, 我發覺我可以為佢做o野事情, 幾近符零... 我o向個刻, 唔知點解我覺得好似好對佢唔住咁....

我以前係一個好內向/慢熱o既人, 所以身邊朋友一直唔算多, 能夠與我暢所欲言又或者我會真心結交o既朋友更加只係得寥寥幾個, 佢係其中一個, 特別o係過去一年, 發生o係我身上o既事故, 令我陷入o左人生中o既最低潮, 而我亦變得更封閉自己... 但佢o係過去依一年裡面仍然不斷支持我, 鼓勵我... 除左屋企人同我以前o既女朋友之外, 佢係我少數為我擔憂o既人.

所以今次create依個blog, 我希望可以o係度多謝依位朋友, 並將我o既第一篇文章獻俾佢.

My friend, 與你相識雖然只有短短數年, 俾起你其他朋友o既友誼或許相對變得渺小, 但我真係好慶幸我可以到識到你依個朋友, 多謝你o係我發生事故o既時候為我祈禱, 我雖然唔係基督徒, 但我衷心希望你o既主可以保祐你, 令你o既生活會過得開開心心, 或者我冇能力為你解決你所面對o既問題, 但我永遠都會係你o既聆聽者, 你永遠都會係我最重視o既朋友.